Loading...
http://go.ad2up.com/afu.php?id=778977

HABARI NZITO: MBUNGE CHADEMA AMDHALILISHA MBOWE MBELE YA HADHARA NA KUMWAGIA SIFA KEDEKEDE RAIS MAGUFULI.

MBUNGE wa Simanjiro, James ole Millya (Chadema) amepongeza viongozi wa Serikali kwa jinsi wanavyojali na kuhudumia wananchi.

Alitoa pongezi hizo juzi kwenye mikutano miwili ya hadhara Orkesumet na Mirerani wilayani hapa, baada ya kupewa nafasi kusalimia wananchi kabla Waziri Mkuu Kassim Majaliwa hajazungumza nao.

“Serikali hii ina viongozi wachapakazi akiwemo Waziri Mkuu. Kwa mara ya kwanza katika jimbo hili, wananchi watapata maji safi kupitia mradi wa maji kutoka Mto Ruvu unaoendelea kujengwa sasa,” alisema akiwa Orkesumet.

Alitumia fursa hiyo kumwomba Waziri Mkuu afuatilie ujenzi wa hospitali ya wilaya, kwani sasa wanategemea kituo cha afya na hali ikibadilika inabidi mgonjwa apelekwe Arusha Mjini  umbali wa kilometa 150 kutoka hapo yalipo makao makuu ya wilaya.

Pia aliomba ijengwe barabara ya lami kuunganisha wilaya hiyo wilaya za Hai na Kiteto.

Akiwa Mererani, Ole Millya aliipongeza Serikali kwa kujenga barabara ya lami kutoka uwanja wa ndege wa Kilimanjaro (KIA) hadi Mererani. Hata hivyo, aliiomba Serikali iongeze juhudi ili barabara hiyo iweze kufika Mirerani na Orkesumet.

Akijibu maombi hayo, Waziri Mkuu Majaliwa alimpongeza Mbunge huyo kwa uungwana wake wa kutambua juhudi za Serikali kwa wananchi wa jimbo lake.

Waziri Mkuu ambaye alikuwa katika siku ya pili ya ziara yake mkoani Manyara, aliwaambia wakazi hao kwamba Serikali itaendelea kufanya nao kazi bila kubagua kwa itikadi za kisiasa.

Hali ya Afya ya Manji Yazidi Kudorora,Akimbizwa Taasisi ya Moyo ya Jakaya Kikwete..!!

BAADA ya kupata dhamana ya Mahakama ya Hakimu Mkazi Kisutu juzi, mfanyabiashara maarufu nchini, Yusuf Manji, amelazwa tena kwenye Taasisi ya Moyo ya Jakaya Kikwete (JKCI) iliyoko katika Hospitali ya Taifa Muhimbili.

Kwa mujibu wa taarifa zilizothibitishwa na Ofisa Uhusiano wa Taasisi hiyo jana, Anna Nkinda, Manji alifikishwa hospitalini hapo juzi jioni ikiwa ni muda mfupi baada ya kupata dhamana dhidi ya kesi ya kutumia dawa za kulevya aina ya heroin inayomkabili.

“Ni kweli Manji yupo hapa, aliletwa jana jioni (juzi) kwa matibabu ambapo hadi leo (jana) ninavyoongea na wewe bado yupo hapa amelazwa anaendelea na matibabu kama kawaida,” alisema Anna.

Hii ni mara ya pili kwa Manji ambaye pia ni Diwani wa Kata ya Mbagala Kuu, kulazwa kwenye taasisi hiyo.

Mara ya kwanza ilikuwa ni Februari 12, mwaka huu alipolazwa hapo akitokea katika Kituo Kikuu cha Polisi Dar es Salaam, alipokuwa ameshikiliwa tangu Februari tisa akifanyiwa mahojiano.

Mfanyabiashara huyo alifika mwenyewe kwenye kituo hicho cha polisi kutokana na wito uliotolewa na Mkuu wa Mkoa wa Dar es Salaam, Paul Makonda, aliyetaja majina 65 ya watu aliodai wanajihusisha na biashara ya dawa za kulevya.

Mbali na Manji, baadhi ya watu wengine waliotajwa na Makonda na kutakiwa kufika kituoni hapo ni Mchungaji wa Kanisa la Ufufuo na Uzima, Josephat Gwajima, Mbunge wa zamani wa Kinondoni, Idd Azzan ambao tayari wamehojiwa polisi huku Mbunge wa Hai, Freeman Mbowe, akiwa bado hajahojiwa licha ya kutajwa kwenye orodha hiyo.

Juzi Alhamisi, Manji alifikishwa kwenye Mahakama ya Hakimu Mkazi Kisutu, ambapo shauri lake lilisikilizwa na Hakimu Mfawidhi wa Mahakama hiyo, Cyprian Mkeha.

Karani wa mahakama hiyo, Sarah Mulokozi, alimsomea mshtakiwa shtaka lake ambapo alidai kuwa kati ya Februari 6 na 9, mwaka huu eneo la Upanga Sea View jijini Dar es Salaam, Manji alitumia dawa za kulevya aina ya heroin.

Mtuhumiwa huyo alikana shtaka hilo na Mkurugenzi wa Mashtaka Msaidizi (ADPP), Osward Tibabyekomya, alidai kuwa upelelezi wa kesi hiyo bado haujakamilika na kuiomba Mahakama kupanga tarehe nyingine ya kutajwa.

Upande wa mawakili wa utetezi ambao ni Alex Mgongolwa na Hudson Ndusyepo, waliiomba Mahakama kumpa mshtakiwa dhamana  kwa sababu ya mashtaka yanayomkabili yanadhaminika.

Hakimu Mkeha alisema mshtakiwa atakuwa nje kwa dhamana kwa kutakiwa kusaini hati ya dhamana ya Sh milioni 10 pamoja na mdhamini mmoja wa kuaminika ambapo Katibu Mkuu wa Klabu ya Yanga, Charles Mkwasa, alimdhamini Manji, ambaye aliachiwa kwa dhamana hadi Machi 16.

Mara baada ya kupata dhamana, Manji aliondoka mahakamani hapo saa 9:40 akiwa kwenye gari yenye namba T670 BBX aina ya Hummer.

BREAKING NEWS: MFANYABIASHARA NA MILILIONEA MKUBWA NCHINI AKAMATWA KUHUSIKA NA BIASHARA HARAMU YA MADAWA JIJINI MBEYA HIVI PUNDE.


MFANYABIASHARA maarufu jijini Mbeya, Steven Samweli maarufu kwa jina la Maranatha, ametiwa nguvuni akituhumiwa kujihusisha na biashara ya dawa za kulevya.

Kutiwa nguvuni kwa mfanyabiashara huyo ni mwendelezo wa nia ya Serikali ya kupambana na biashara ya dawa hizo nchini.

Kamanda wa Polisi Mkoa wa Mbeya, Dhahiri Kidavashari, aliwaambia waandishi juzi kwamba, Maranatha alikamatwa juzi usiku akiwa katika moja ya maduka yake ya dawa baridi.

“Baada ya polisi kupata taarifa za mfanyabiashara huyo kuhusishwa na biashara ya dawa za kulevya, tuliweka mtego na hatimaye kufanikiwa kumtia nguvuni.

“Kwa sasa tunamshikilia kwa mahojiano na baada ya uchunguzi kukamilika, atafikishwa mahakamani,” alisema Kamanda Kidavashari.

Pamoja na hayo, kamanda huyo wa polisi alisema kukamatwa kwa mfanyabiashara huyo kunafikisha idadi ya watu wanane waliokamatwa kwa tuhuma za kujihusisha na uingizaji, usambazaji na utumiaji wa dawa za kulevya mkoani Mbeya.

“Miongoni mwa hawa tunaowashikilia, baadhi yao walikutwa na vielelezo, hivyo watafikishwa mahakamani wakati wowote wakati uchunguzi zaidi ukiendelea.

“Kwa hiyo, nawaomba wananchi mkoani hapa, waachane kabisa na biashara ya dawa hizo kwa sababu wakikutwa nazo, watakamatwa na kufikishwa katika vyombo vya dola,” alisema Kamanda Kidavashari.

HABARI NZITO: HII NI NOUMA SPIKA NDUGAI AMPIGA DONGO ZTO NA KUMPUUZA HADHARANI.



Bila shaka hili ni dongo zuri kwa Makonda, na ni sawa na kusema watu wayapuuze maneno anayoyaongea kwa kuwa ni utani tu

Siku moja baada ya Spika wa Bunge, Job Ndugai, kutakiwa kutimiza ahadi yake ya kuweka vifaa vya kupima wabunge kama wametumia kilevi ama dawa za kulevya kabla ya kuingia Ukumbi wa Bunge, amesema Mkuu wa Mkoa wa Dar es Salaam, Paul Makonda ni mtani wake, hivyo watu wasijali maneno yake. Aidha, katika Mkutano wake uliofanyika juzi, Makonda alimuomba Spika Ndugai kuweka kipimo hicho ili kabla wabunge hawajasimama kuchangia hoja wabainike kama wanatumia dawa za kulevya au la.

BREAKING NEWS: CHADEMA YAWASHA MOTO YAKINUKISHA NCHINI YAAMUA RASMI KUFANYA TUKIO HILI ZITO NI ZAIDI YA UKUTA.

CHAMA cha Demokrasia na Maendeleo (Chadema), kimesema wanachama na viongozi wake 215 wamefunguliwa kesi katika mahakama mbalimbali nchini tangu kufanyika kwa Uchaguzi Mkuu wa mwaka 2015.

Chadema imesema wanachama hao wamepandishwa kizimbani katika jumla ya kesi 78 huku wengi wao wakinyimwa dhamana na wale waliopatikana na hatia, walipewa adhabu za vifungo bila ya kupewa fursa ya faini.

Kutokana na hali hiyo Chadema inatarajia kuandaa orodha itakayoainisha kesi zote za jinai ambazo bado zipo mahakamani pamoja na kuonyesha aina ya mashtaka na vifungo vilivyotolewa, kwa vyombo vya habari na taasisi za ndani na nje ya nchi.

Makamu Mwenyekiti wa Chadema, Profesa Abdallah Safari aliyasema hayo jana wakati akizungumza na waandishi wa habari kuhusu mrejesho wa kikao cha kamati ndogo ya Kamati Kuu ya Chadema kilichokaa Jumanne.

Katika uchaguzi huo uliofanyika Oktoba 25, 2015 Rais John Magufuli wa Chama Cha Mapinduzi (CCM) aliibuka mshindi kwa kupata kura 8,882,935 sawa na asilimia 58.46 ya kura zote halali.

Nafasi ya pili ilishikwa na mgombea wa Chadema aliyeungwa mkono na mwamvuli wa Umoja wa Katiba ya Wananchi (Ukawa), Edward Lowassa aliyepata kura 6,728,480 sawa na asilimia 39.97.

Prof. Safari alisema mara baada ya Uchaguzi Mkuu huo kumalizika, viongozi wa Chadema wamekuwa wakikamatwa na kushtakiwa kwa makosa ya kubambikizwa; kwa kisingizio cha uchochezi.

“Hivi sasa umekuwa ni mtindo kwa mahakama kuwakatalia dhamana wanachama wa Chadema bila ya sababu za msingi," alisema Prof. Safari.

"Pia imekuwa ni mtindo kuwahukumu vifungo bila kuwapa fursa ya kulipa faini.”

Prof. Safari alisema katika kikao hicho cha kamati kimetoa wito kwa mhimili wa Mahakama kutekeleza wajibu wake kwa weledi uliotukuka; kuhakikisha kuwa haki inatendeka bila kuwapo kwa vitisho kutoka kwa mtu yeyote.

“Majaji wanapaswa kuiga mfano wa uhuru wa Mahakama na weledi wa majaji wa Afrika Kusini, Zimbabwe na Marekani ambao waliweza kutengua amri batili zilizotolewa na marais wa nchi zao,” alisema Prof. Safari.

Aidha, Profesa Safari alisema Kamati Kuu imetoa wito kwa mawakili kuchukua wajibu mkubwa kuisaidia mahakama kutekeleza majukumu yake kwa weledi kwa kuhakikisha haki inatendeka bila woga, vitisho au vishawishi, pamoja na kutokukubali kutishwa na mtu au asasi yoyote katika kuitetea, kuilinda Katiba na sheria za nchi.

HILI NI PIGO ZITO MNO NATAKATIFU KWA CHADEMA WAVUJISHA SIRI HII NZITO JUU SAKATA HILI NYETI CHINI.

KATIBU Mkuu wa Chama cha Demokrasia na Maendeleo (Chadema), Dk. Vicent Mashinji, amesema uchaguzi ujao wanawake watapewa nafasi kubwa ya kuwakilisha majimboni kutokana na ushindi waliouonyesha Uchaguzi Mkuu uliopita.

Hayo aliyasema jana Dar es Salaam alipokuwa akifungua mkutano wa Kamati ya Utendaji ya Baraza la Wanawake wa Chadema (Bawacha).

Alisema katika Uchaguzi Mkuu uliopita wa mwaka 2015, wanawake waliopewa nafasi majimboni kuwania ubunge na uwakilishi walikuwa tisa ambao walionyesha uwezo mkubwa na kufanikiwa kushinda viti sita.

“Hiyo ni dalili tosha kuwa wanawake ni jeshi kubwa na hata kama wangepewa wengi nchi nzima, walikuwa na uwezo wa kufanya vizuri zaidi,” alisema Dk. Mashinji.

Alisema taswira ya chama hicho mitaani ni kwamba kinaongozwa na nguvu kubwa na hivyo kuwekwa katika nafasi ya kuonekana ni cha wanaume pekee jambo ambalo si kweli, hivyo ni vyema kuongeza idadi ya wanawake katika uwakilishi majimboni.

Dk. Mashinji alisema anaamini wanawake watakaopewa nafasi za kuwakilisha majimbo, watafanya vizuri kwani sio wa kuingia kwa ajili ya kuuza sura bali ni jeshi la ushindi.

Akizungumzia hali ya kisiasa nchini, Dk. Mashinji alisema Serikali ya CCM ina lengo la kuzorotesha wapinzani, lakini  pamoja na hali hiyo watakwenda nao sambamba huku wakitumia mbinu ili kuweza kushinda zaidi.

“Pamoja na jitihada za kuizorotesha Chadema na upinzani kwa ujumla kama wanavyofanya wateule wa rais, wakiwamo wakuu wa mikoa na wilaya kwa kuwakamata watendaji wa ngazi za chini, kutangaza kuwanyang’anya mihuri ya kazi, lakini bado kuna nguvu ya kuendelea kuimarisha chama.

“Viongozi wa chini wananyanyaswa, wanapigwa na viongozi wateule wa rais pasipo sababu na mfano mzuri Iringa, na hata ‘muvi’ ya mihuri ilitengenezwa ili kuwakomoa Ukawa,’’ alisema Dk. Mashinji.

Alizungumzia pia Ukawa inavyopambana katika chaguzi ndogo kutokana na CCM kuelezwa kutumia nguvu kubwa ya vyombo vya dola ya kuwakandamiza wapinzani, huku akitolea mfano uchaguzi mdogo wa ubunge Dimani na Igunga.

Dk. Mashinji alisema matatizo hayo yatakwisha endapo kutakuwa na Katiba Mpya na Tume Huru ya Uchaguzi.

Kwa upande wake, Mwenyekiti wa Bawacha, Halima Mdee, alisema wanawake wa Chadema walikuwa na nguvu katika uchaguzi uliopita kutokana na matokeo yake.

Alisema katika ubunge licha ya kupewa nafasi chache za kuwakilisha majimbo, lakini walifanya vizuri huku akiyaelezea majimbo mawili yaliyokuwa na mfumo dume lakini wamefanikiwa.

Alisema ishindi wa Esther Bulaya Bunda Mjini na Esther Matiko Tarime Mjini ni ishara tosha kwamba wanawake ni jeshi kubwa na linaweza kuongoza na kusimama jimboni na kushinda.

HABARI NZITO: AISEE INAUMIZA MNO HII NDIO SIRI NZITO YA NDUGU ZETU WATANZANIA KUFUKUZWA NA KUPIGWA KAMA MBWA NCHINI MSUMBIJI.

Mara baada ya kupata taarifa za Watanzania wenzetu ' kufurumushwa ' nchini Msumbiji niliweza kufanya mazungumzo na Mtanzania mmoja aitwae Bwana Hamidu ni Mfanyabiashara mkubwa kati ya Tanzania, Msumbiji na Afrika ya Kusini na kwa Wale Watanzania muishio Afrika ya Kusini hasa mji wa Cape Town kati ya Mtaa wa Mowbry na Randebosch mtakuwa mnamjua sana huyu Hamidu na amewahi pia kuishi mno Kibiashara nchini Msumbiji.

Mazungumzo yangu na Kaka Hamidu yalilenga hasa katika kutaka kujua nini ' Kiini ' cha kilichowakuta Ndugu zetu Watanzania huko ugenini nchini Msumbiji na ndipo akaniambia sababu kadhaa ambazo naziweka hapa Kwenu ili mzijue na ikiwezekana tuzijadili.

Na ikumbukwe nimesukumwa pia kulifuatilia hili suala hasa kwa kuangali Uhusiano mzuri katika tena wa Kindugu ambao uliwekwa vizuri kabisa na Waasisi wa nchi zetu hizi mbili Hayati Mwalimu Nyerere na mwenzake Hayati Samora Machael.

Bwana Hamidu alisema kuwa vinavyotugharimu Watanzania hasa tuwapo ugenini na ndivyo pia vimewagharimu wenzetu waliokuwa nchini Msumbiji ni vifuatavyo:

Uwizi uliotukuka na hasa wa Simu na Magari, Matusi na kuwadharau Wazawa.

Uuzaji uliotukuka kabisa wa Dawa za Kulevya na hasa hasa Bangi / Bange.

Kuendekeza ' ushirikina ' wetu tuliotoka nao Tanzania na kuwaroga Wenyeji bila huruma.

Kutopenda kufanya Kazi na kuishi kwa ' kuomba omba ' sana hadi wametuchoka.

Umalaya na hapa hakuficha akasema kuwa Wanaume wa Kitanzania wanapenda sana ' kuwabandulia ' Wasumbiji wake zao na Wanawake wa Kitanzania ni ' maarufu ' kwa kupenda ' kubanduana ' na Wanaume wa Msumbiji.

Majungu. Hapa alisema kuwa Watanzania wakiwa wanatafuta Kazi au wawapo Kazini huku hupenda mno kuwapiga ' Majungu ' wazawa kwa Matajiri ili wafukuzwe Kazi kisha wabakizwe wao na ambapo na Wao pia huwaleta Ndugu zao wengi kutoka nchini Tanzania.

Utapeli uliotukuka kwa wanaowafanyia Wazawa wananchi wa Msumbiji. Na katika hili Bwana Hamidu alisema kuwa si jambo geni uwapo nchini Msumbiji kumsikia Mtanzania uliyemjua tokea huku huku Bongo akiitwa Kassim lakini huyo huyo ukikutana nae Maputo huko anaitwa George na ukibahatika tena kukutana nae mji wa Cabo Delgado utasikia anaitwa Benjamin na wamekuwa wakiwatapeli Wasumbiji huku wakihama hama miji ili kujificha na wasijulikane na waweze kufanikisha wanachokitaka na maisha yanaendelea.

Wandugu hizo ndizo sababu ambazo Mmoja wa Watanzania ambaye ameishi sana huko Bwana Hamidu amenipa na kasema kuwa hakuna Watu ' Wavumilivu ' kama Wasumbiji ila kwa vitendo hivyo saba ( 7 ) nilivyoviorodhesha hapo uvumilivu wao Kwetu Watanzania umewashinda na kama ' mbwai mbwai ' tu.

Naomba kuwasilisha na nimshukuru tu Bwana Hamidu wa Cape Town Afrika ya Kusini kwa ushirikiano wake mkubwa juu ya kunifunulia nini hasa kiini cha tatizo la Watanzania wenzetu ' kufurumushwa ' nchini Msumbiji.

BREAKING NEWS:HAKUNA ALIETEGEMEA KAMANDA SIRRO ASIBITISHA LEO MANJI KUHUSIKA NA BIASHARA PAMOJA NA MATUMIZI YA MADAWA YA KULENYA.


Hatimaye imedhibitika kuwa Mwenyekiti wa Timu ya soka ya Yanga na Mfanyabiashara mkubwa nchini Tanzania Yusuph Manji anatumia madawa ya kulevya na leo atapandishwa kizimbani kwa tuhuma hizo akiwa pamoja na watuhumiwa wengine wanaoshikiliwa kwa sakata kama hilo.

Katika Kipindi cha michezo katika redio moja nchini Kamanda wa Polisi Kanda Maalum ya Dar es Salaam Kamishna,  Simon Sirro amethibitisha kuwa vipimo vya Mkemia Mkuu wa Serikali alivyofanyiwa Manji vinaonyesha kuwa ni Mtumiaji wa Madawa ya kulevya (Hakuyataja aina yake) na kusisitiza kuwa leo mtuhumiwa huyo atapandishiwa kizimbani kujibu shitaka hilo.

Akielezea afya yake tangu alazwe Hospitali, Kamanda Sirro amesema kuwa mwenyekiti huyo wa yanga yuko vizuri na sasa ameruhusiwa kutoka Hospitalini na kurejeshwa mahabusu polisi kusubiri kupandishwa kizimbani.

Sirro amesema kuwa habari kamili kuhusu sakata hilo na watuhumiwa wengine wakiwemo wasanii waliokamatwa zitatolewa leo mbele ya wanahabari Jijini Dar es Salaam.

HAKUNA ALIETEGEMEA "MATEJA" WAPANGA FOLENI NJE YA OFISI YA MKUU WA MKOA PAUL MAKONDA WAMUOMBA JAMBO HILI ZITO MNO.

IKIWA ni takribani siku 13 tangu Mkuu wa Mkoa wa Dar es Salaam, Paul Makonda na Jeshi la Polisi kuanza kampeni ya kukamata na kutangaza majina ya watuhumiwa wa biashara ya dawa za kulevya, baadhi ya watumiaji wa dawa hizo (mateja), wamelalamika kuadimika kwa bidhaa hiyo na ikipatikana bei yake inakuwa juu mara mbili.


Taarifa hizo ambazo ni njema kwa viongozi wanaoendesha vita hiyo iliyotangazwa na Rais Dk. John Magufuli alipokuwa akizindua Bunge la 11, zilipatikana baada ya gazeti hili kutembelea baadhi ya maeneo maarufu Dar es Salaam wanapopatikana watumiji wa dawa hizo.


Taarifa zilizopatikana kutoka kwa watumiaji hao, zilisema bei ya dawa hizo za aina ya heroin kwa kete moja, imepanda mara tano zaidi ya bei ya awali iliyokuwa ikiuzwa kabla ya kuanza kwa kamata kamata. Tumeacha kutaja bei kwa sababu za kitaalamu.


Walisema licha ya kupanda kwa bei hiyo, hata wauzaji sasa hawamuuzii mtu wasiyemjua kwa hofu ya kukamatwa.


Katika kituo cha Manyanya Kinondoni, baadhi ya mateja walisema kuwa kwa sasa tangu sakata la kuwakamata wauzaji, waingizaji na watumiaji, unga umepanda bei kutokana na kuadimika kwani wauzaji wanauza kwa kujificha.


Mmoja wa mateja hao aliyejitambulisha kwa jina moja la Aisha, alisema kwa sasa si rahisi kupata unga kwa sababu wauzaji wanauza kwa kujificha na kama ukipatikana bei yake imepanda maradufu.


“Ni shida kupata unga sasa hivi maana waliokuwa wanatuuzia wanajificha ili wasikamatwe, kwahiyo ukibahatika kuupata utauziwa kwa bei ya juu kwa sababu siku za nyuma kete ulikuwa unapata kwa Sh 1,000 hadi 2,000  lakini sasa hivi unaanzia 3,500 hadi 5,000.


“Mfano kulikuwa na muuzaji hapo upande wa pili wa barabara, lakini amekamatwa na hakuna tena dawa hapo,” alisema Aisha.


BADO WAPO


Hata hivyo, MTANZANIA iliwakuta mateja hao wakiendelea kuwapo katika maeneo hayo tofauti na ilivyodaiwa kuwa wakilewa watakamatwa na kupelekwa kituo cha polisi ili wawataje wanaowauzia.


Katika vituo vya daladala vya Mwananyamala Hospitali, A, Tandale, Magomeni Kagera, Kinondoni Mkwajuni na Studio, mateja walikuwapo japo walionekana kuwa na wasiwasi mkubwa.


WAOMBA KUPELEKWA SOBER HOUSE


Mmoja wa mateja waliokuwapo katika kituo cha daladala cha Magomeni Kagera aliyejitambulisha kwa jina moja la  Juma, alisema wanaiomba Serikali kuwasaidia kwa kuwapeleka katika vituo vya tiba za waathirika (sober house) ili wakapate matibabu kwa kuwa baadhi yao wameanza kupata madhara kutokana na kuadimika kwa dawa hizo.


“Tunaiomba Serikali itusaidie kwa kuwa wenzetu ambao wanakosa ‘unga’ wanapata shida sana kwa kutapika na kuharisha na hali zao si nzuri,” alisema.


WAFANYABIASHARA WAPONGEZA


Baadhi ya wafanyabiashara katika maduka yaliyo jirani na vituo vya daladala, wamesema hatua iliyochukuliwa na Serikali kupambana na dawa za kulevya itapunguza wizi katika mitaa yao.


Mmoja wa wafanyabiashara hao aliyejitambulisha kwa jina la Mama Winnie katika kituo cha Mwananyamala A, alisema kuwa wimbi la wizi lilikuwa likiongezeka siku hadi siku kutokana na mateja kutafuta fedha za kuvutia.


“Hapa tulikuwa tunaibiwa sana na unaweza kuletewa nguo mbichi iliyoanuliwa kwenye kamba na kuuziwa kwa bei rahisi tofauti na bei yake halisi, ili mradi tu apate fedha ya kununulia unga,” alisema Mama Winnie.

KIMENUKAA..SPIKA AJIBU TAMKO LA MAKONDA HAJAMCHELEWESHA ADAI MAKONDA NAE NI..

SIKU moja baada ya Spika wa Bunge, Job Ndugai, kutakiwa kutimiza ahadi yake ya kuweka vifaa vya kupima wabunge kama wametumia kilevi ama dawa za kulevya kabla ya kuingia Ukumbi wa Bunge,  amesema Mkuu wa Mkoa wa Dar es Salaam, Paul Makonda ni mtani wake, hivyo watu wasijali maneno yake.

Juzi Makonda alimwomba Spika Ndugai kuweka kipimo hicho ili kabla wabunge hawajasimama kuchangia hoja wabainike kama wanatumia dawa za kulevya au la.

“Kaka yangu Ndugai alisema ana nia ya kuweka kifaa maalumu kuwapima wabunge kama wanatumia dawa za kulevya au la, hivyo atimize nia yake hiyo ili kama na huko wapo tuwanyofoe,” alisema Makonda.

Akizungumza  kwa simu,  Ndugai alisema: “Makonda ni mtani wangu, mimi ni Mgogo yeye ni Msukuma, kwahiyo tunataniana… msijali maneno yake, alikuwa ananichapa tu kidogo.”

Wakati wa mkutano wa tatu wa Bunge la 11 Mei mwaka jana, Spika Ndugai alipata kulieleza Bunge kuwa anafikiria kuweka vifaa maalumu vya kupima ulevi kwa wabunge.

Ndugai alitoa kauli hiyo siku chache baada ya Rais Dk. John Magufuli kutengua uteuzi wa aliyekuwa Waziri wa Mambo ya Ndani, Charles Kitwanga baada ya kuingia bungeni akiwa amelewa.

Alisema kuwa kuna wabunge kadhaa huingia bungeni wakiwa wametumia vilevi vikali.

“Tunajaribu ku-identify (kuwatambua) watu maalumu wanaoweza kutusaidia kuzungumza na hawa watu ili waondokane na matatizo yale ambayo tutaweza kuyagundua.

“Lakini wale wanaofanya kwa kificho itakuwa tabu kidogo. Lakini huko mbele tutakwenda kwenye vifaa, maana si ulevi tu, kuna sigara kubwa (bangi), unga (dawa za kulevya)… watu wanapiga konyagi hadi mchana, kimsingi mambo ni mengi.

“Simaanishi wabunge wote, maana mtu anaweza kufikiri ni wote, hapana. Hili ni kundi dogo mno la wabunge na hawajai hata mkononi. Lakini wabunge walio wengi ni wazuri sana, hawanywi pombe wala nini. Kikundi hiki kinahitaji msaada wa ushauri,” alisema Ndugai.

MAONI YA WABUNGE

Kauli ya Makonda ya kuwataka wabunge kupimwa akili ili kubaini kama wanatumia aina yoyote ya dawa za kulevya au la, imepokewa tofauti na baadhi ya wabunge.

Akitoa maoni jana kwa simu, Mbunge wa Ubungo Saed Kubenea (Chadema), alisema wabunge tayari   wameshapimwa akili na wananchi wao na ndio maana wakapewa ridhaa ya kuwaongoza.

Alisema kulikuwa na michakato mingi hadi wao kuchaguliwa, ikiwa ni pamoja na ya ndani ya chama, majimboni na hata kwenye Tume ya Uchaguzi ya Taifa (NEC), hivyo wao wako safi hadi wakapitishwa na wananchi wao.

“Anayetakiwa kupimwa akili kama anatumia dawa au la au kama aliugua au la ni mtu ambaye aliwahi kumfunga viatu mtoto wa rais, kulala kwenye sebule ya Sitta, na hata kumpiga mzee Warioba na kutukana waliomzidi umri bila sababu,” alisema Kubenea.

Aliongeza kuwa anaamini kwa wasiopimwa sehemu yoyote akiwemo Mkuu wa Mkoa na wateule wengine wa rais ndio ambao wanatakiwa kupimwa.

Mbunge wa Mbeya Mjini, Joseph Mbilinyi, maarufu kwa jina la Sugu, alisema Bunge ni mhimili mwingine, hivyo Makonda hana nguvu ya kuwataka wao kupima. 

Alisema kama ni mawazo ya kutakiwa kupima au kutopimwa, anayetakiwa kusema hiyo ni Spika wa Bunge Ndugai na kama yeye ataafiki wao watakubali kupimwa.

“Sisi mhimili wetu unasimamiwa na Spika ndiye mkuu wetu, lakini alishawahi kusema hilo siku nyingi  kwamba mhimili wake usiingiliwe hovyo hovyo, lakini mtu mmoja mdogo sana anajiongelesha, ambaye hana hata mamlaka,” alisema Sugu.

Alisema yeye mwenyewe Makonda ana matatizo yake na kama akihitaji wao wapimwe, watatakiwa kwenda wote.

Hata hivyo, Sugu ambaye ni Waziri Kivuli wa Habari Utamaduni na Sanaa, aliwalalamikia waandishi wa habari kwa kumpa nafasi Makonda na kuacha kuandika maoni wanayotoa wao kama wazo lake alilotoa bungeni siku ya kufunga Bunge.

Mbunge huyo alisema anatamani siku moja Makonda apelekwe Mkoa wa Mbeya na akawaongoze kwa miezi sita tu aone na si kukaa Dar es Salaam peke yake huku akiingilia kazi za Spika.

Sugu alisema Serikali ya awamu ya tano inaonyesha wazi kwamba inalichukia Bunge kutokana na matamshi mbalimbali yanayotolewa.

Alisema kama angekuwa yeye badala ya kushauri Bunge kwenda kupima, basi anashauri viongozi wote kupimwa wakiwamo wakuu wa wilaya, mikoa na wengine wa Serikali ili nchi iwe salama kwa kila mtu.
Older Posts
© Copyright JAMIIYETUBONGO | Designed By BAKI NASI
Back To Top