Loading...

VIDEO YA DARASA "MZIKI" YAWEKA REKODI HII NZITO DUNIANI DIAMOND AMNYANYULIA MIKONO DARASA.



Video ya Wimbo Mpya wa Msanii Darasa unaitwa Mziki Mpaka sasa umevunja Rekodi kwa Kutazamwa sana ndani ya Muda Mfupi Kwa Video za Waimbaji wa Rap hapa Bongo, Wimbo huo kwa sasa umefikisha watazamaji Milion Moja wiki mbili toka uwekwe mtandaoni kwenye channel ya Youtube.....Mpaka Muda Huu inaonyesha Una Views 1,056,542 view

HAKIKA UKWELI NI MCHUNGU MNO MAALIMU SEIF ATOA NENO ZITO JUU YA KASHFA HI CHAFU ZIDI YAKE.



Chama cha Wananchi (CUF), kimesema taarifa zinazosambazwa katika vyombo vya habari na mitandao ya kijamii, kwamba Katibu Mkuu, Maalim Seif Sharif Hamad anataka kuhama chama hicho ni za kupuuzwa kwa kuwa hazina ukweli.


Naibu Katibu Mkuu wa CUF Zanzibar, Nassor Ahmed Mazrui alisema hayo jana  baada ya baadhi ya vyombo vya habari kuripoti kuwa Maalim anataka kuondoka ndani ya chama hicho cha upinzani.


Alisema tangu kuibuka kwa mgogoro ndani ya CUF na Mwenyekiti wao, Profesa Ibrahim Lipumba imekuwapo mikakati ya kuwakatisha tamaa jambo ambalo halitafanikiwa.


Mazrui alisema wanaopanga mikakati wamehangaika kila njia na wameonekana kukwama, hivyo kuibuka na mkakati wa kumzushia Katibu Mkuu kuhama chama.


“Hivi unafikiria Katibu Mkuu anaweza kuhama chama katika mazingira rahisi kiasi hicho? Hiki chama amekipigania vya kutosha wataondoka wao,” alisema.


Naibu Katibu Mkuu huyo aliwataka wana CUF kuendelea kutoa ushirikiano kwa Katibu Mkuu wao na kupuuza kauli za watu ambao wamepoteza mwelekeo kisiasa.


Alisema CUF si chama kinachotegemea mtu mmoja, na pia hakiko tayari kumpoteza Maalim kwa vibwagizo vya vibaraka wa chama tawala, ambao hawataki kupigania mabadiliko nchini.


Aidha, kuhusu chama kuwa kimya kuhusu madai yao ya ushindi katika uchaguzi wa Oktoba 25 mwaka jana, alisema bado wanaendelea na mchakato huo na watatoa taarifa hivi karibuni kuhusu hatua waliyofikia.


Mazrui alisema kila kitu kinakwenda vizuri na kutaka wana CUF kuwa na subira katika kipindi hiki, kwani mambo mazuri hayahitaji haraka.


Alisema ushirikiano wanaopata kutoka jumuiya ya kimataifa ni mzuri hali ambayo inawapa matumaini ya kuhakikisha kuwa haki inapatikana.


“Suala la madai ya ushindi wa uchaguzi linakwenda vizuri, na naamini hatima yake itapatikana kwa busara, ni vema wana CUF kuwa na subira,” alisema.


Jana katika baadhi ya magazeti ziliandikwa habari zikimhusisha Maalim na kuhama CUF na kutajwa kutarajia kuhamia vyama vya ADA-TADEA, AFP au ACT-Wazalendo, ambapo viongozi wa vyama hivyo walikanusha taarifa hizo.


Hali kadhalika Katibu Mkuu huyo alihusishwa na kutaka kujiunga na vyama vinavyounda Umoja wa Katiba ya Wananchi (Ukawa).

SHUHUDIA KITUKO HICHI CHA MAALIMU SEIF BAADA YA KUSUSIA TENA MKONO WA RAIS


HABARI NZITO YA HIVI PUNDE MZEE WETU RAIS MSTAAFU BENJAMINI MKAPA AISHTUA DUNIA NA BARA ZIMA LA AFRIKA.

Rais Mstaafu wa Awamu ya Tatu Benjamin William Mkapa, yupo nchini Burundi kuanzia leo kwa ziara ya kikazi hadi Desemba 9 akiwa msuluhishi kati ya Warundi akitazamiwa kukutana na viongozi mbalimbali serikalini na mashirika ya kiraia.MKAPA

Ziara hiyo inakuja wakati nchi hiyo bado inakabiliwa na mgogoro huku mazungumzo yakiwa yamesimama kwa miezi kadhaa sasa. Hata hivyo serikali ya Burundi iliapa kutokaa kwenye meza ya mazungumzo na makundi ya watu ambao inadai kuwa walihusika katika jaribio la kuipindua serikali lililoshindwa Mei 13 hadi 14 mwaka jana.NKURUNZIZA

Umoja wa Mataifa, Umoja wa Ulaya na Marekani wamekua wakiomba serikali ya Burundi kuanzisha haraka bila masharti mazungumzo na upinzani uliokimbia uhamishoni kwa lengo la kudumisha usalama na kurejesha amani nchini mwake.

Hali ya usalama nchini Burundi imeendelea kutisha katika maeneo mbalimbali, hasa mjini Bujumbura, ambapo maiti kadhaa zimekuwa zikiokotwa huku visa vya utekaji nyara vikikithiri katika baadhi ya maeneo ya nchi ya Burundi.BURUNDI

Machafuko nchini Burundi yamesababisha vifo vya watu zaidi ya 500 kwa mujibu wa mashirika ya kimataifa ya haki za binadamu na zaidi ya 250,000 kuyahama makazi yao na kukimbilia nje ya nchi.BURUNDI

UKAWA YAPATA PIGO ZITO DAKIKA ZA LALA SALAMA LIPUMBA,MAALIMU SIEF WATEGUA KITENDAWILI HIKI KIZITO.


Mgogoro wa uongozi unaoendelea ndani ya chama cha CUF huenda ukaathiri ushiriki wake kwenye uchaguzi mdogo unaotarajiwa kufanyika Januari 27 baada ya pande zote mbili zinazosigana kujiandaa kuteua wagombea.
Mbali ya mgogoro huo kuhofiwa kukiathiri chama pengine hadi kusababisha wagombea wake kuzuiwa, pia unaweza kuudhoofisha Umoja wa Katiba ya Wananchi (Ukawa).
Habari kutoka ndani ya chama hicho zinasema upande wa Mwenyekiti wa CUF, Profesa Ibrahim Lipumba anayetambuliwa na Msajili wa vyama vya siasa uko kwenye maandalizi ilhali ule wa Katibu Mkuu, Seif Sharrif Hamad unatarajiwa kukutana na watendaji wa chama kujadili ushiriki wao.
Profesa Lipumba aliyeiongoza CUF tangu mwaka 1995, alijiuzulu kwa hiari uenyekiti wake Agosti 2015 lakini siku chache kabla ya CUF kuitisha mkutano Agosti mwaka huu wa kujadili barua yake, aliandika barua ya kutengua kujiuzulu na akarejea kazini.
Siku ya mkutano mkuu uliofanyika Ubungo Plaza, wajumbe waliridhia kujiuzulu kwake lakini walipoingia kuchagua mrithi wake, wafuasi wa Profesa Lipumba walivamia mkutano na kuuvuruga hali iliyosababisha baadaye kusimamishwa kwake.
Alipoulizwa jana namna CUF yenye mgogoro itakavyoshiriki uchaguzi wa madiwani katika kata 22 Bara na ubunge wa Jimbo la Dimani, Zanzibar, Kaimu Mwenyekiti wa Kamati ya Uongozi CUF, Julius Mtatiro alisema wapo katika mikakati kuhakikisha wanashiriki kikamilifu.
Mtatiro alisema muda wowote kuanzia sasa Katibu Mkuu, Maalim Seif atakutana na watendaji wa chama kujadili kwa kina suala hilo na kutoa maelekezo.
“Tutashiriki vizuri na niwaweke wazi Watanzania kuwa shughuli za chama zinaendelea kama kawaida hivyo kamati za utendaji zitatimiza wajibu wake wa kuwapitisha wagombea watakaojitosa kwenye kinyang’anyiro,” alisema.
Kuhusu Profesa Lipumba, Mtatiro alisema, “Hatuwezi kufanya kazi na mtu wa CCM kumsogeza karibu yetu ni kumleta atuharibie chama jambo ambalo hatuwezi kuliruhusu. Ingekuwa lile suala la kujiuzulu aliteleza tungemwelewa na kumsamehe lakini inavyoonekana yupo kwenye mipango yake katu hatuwezi kumuweka karibu.”
Lakini Naibu Mkurugenzi wa Habari na Uenezi wa CUF anayemuunga mkono Lipumba, Abdul Kambaya alisema, “Tuna kikao leo (jana) upande wa Bara chini ya Mwenyekiti Profesa Lipumba kujadili suala hilo la uchaguzi, kuhusu upande wa Zanzibar sifahamu chochote.”
Akizungumzia uchaguzi huo mdogo, Naibu Katibu Mkuu wa Chadema upande wa Zanzibar, Salum Mwalimu alisema Ukawa utakuwa bega kwa bega na CUF katika uchaguzi huo kwani wanaitambua kuwa iko moja si mbili kama inavyotengenezwa na watu wasiopenda maendeleo ya chama hicho.
“Tunatambua na kuheshimu uamuzi wa wanachama na viongozi halali wa chama, CUF iko moja, kama kuna mtu anatengeneza propaganda alifanya hivyo akiamini anakwenda kukiua chama ajue bado kinaendelea kusimama,” alisema.
“Pale atakaposimamishwa mgombea kutoka chama hicho Ukawa tutamuunga mkono na kumpigania kuhakikisha anashinda. Tunaamini pia nao watafanya hivyo akisimamishwa mgombea wa Chadema, ”alisema Mwalimu
Katibu Mkuu wa NCCR-Mageuzi Juju Danda alisema mgogoro wa CUF hautaleta changamoto yoyote kwenye Ukawa kwa kuwa wanamtambua katibu mkuu. Alisema Ukawa unamtambua Maalim Seif na ndiye mtendaji mkuu wa chama hivyo watakuwa tayari kushirikiana naye katika kila jambo.
Kuhusu mpasuko unaoendelea ndani ya chama hicho, Danda alisema suala hilo waachiwe CUF wenyewe ndiyo watakaoamua. “Mtendaji Mkuu wa chama ni katibu si Mwenyekiti, na kwa kuwa tupo pamoja na Maalim hatuoni changamoto yoyote yeye ndiye anayesimamia uteuzi na tunategemea mambo yatakwenda sawa,” alisema.
Katika hatua nyingine hatima ya Jaji Sekieti Kihiyo anayesikilkiza kesi ya CUF kujitoa sasa itajulikana Desemba 14 atakapotoa uamuzi wa maombi ya wadai kumtaka ajiondoe.
Jaji Kihiyo alipanga kutoa uamuzi wa maombi hayo dhidi yake jana baada ya kumaliza kusikiliza hoja za pande zote katika kesi hiyo, ambazo zilizua mvutano mkali baina ya mawakili wa wadai kwa upande mmoja na mawakili wa wadaiwa pamoja na Jaji Kihiyo kwa upande mwingine.
Kesi hiyo imefunguliwa na baadhi ya wajumbe wa Bodi ya Wadhamnini wa CUF, dhidi ya Profesa Lipumba, Naibu Katibu Mkuu wa chana hicho Bara, Magdalena Sakaya pamoja na wanachama wengine tisa waliosimamishwa uanachama wa chama hicho.
Wengine ni Msajili wa Vyama vya Siasa, Jaji Francis Mutungi, ambaye ndiye mdaiwa wa kwanza katika kesi hiyo na Mwanasheria Mkuu wa Serikali (AG), ambaye ni mdaiwa wa pili.
Kesi hiyo ilitarajiwa kusikilizwa jana lakini kabla ya kuendelea, kiongozi wa jopo la mawakili wa wadaia, Juma Nassoro aliieleza mahakama kuwa wadai wameandika barua wakimtaka jaji ajiondoe kuendelea na kesi hiyo kwa maelezo hawana imani naye.

HII NI NOUMA CHADEMA YAFANYA MAZITO BARANI ULAYA HUU NDIO UJUMBE MZITO WA MBOWE ULILOLITIKISA BARA LA ULAYA.



Mwenyekiti wa Chadema, Freeman Mbowe.
Mwenyekiti wa Chadema, Freeman Mbowe na ujumbe wake wako katika ziara ya kichama ya siku 14 barani Ulaya, ikiwamo kuhudhuria mkutano maalumu wa Umoja wa Vyama vya Kidemokrasia Duniani (Idu).
Kwa mujibu wa Mkuu wa Idara ya Habari wa Chadema, Tumaini Makene, ujumbe huo unaowahusisha mwanasheria mkuu wa chama, Tundu Lissu na mkurugenzi wa mambo ya nje na mawasiliano, John Mrema utafika katika nchi za Ujerumani, Uingereza na Ubelgiji ambako ni Makao Makuu ya Jumuiya ya Ulaya.
Akiandika katika ukurasa wake wa Twitter, Mbowe amesema, “Nikiwa London, pamoja na ujumbe huo, nitakutana na viongozi mbalimbali wa Serikali, wabunge, ujumbe maalumu wa Jumuiya ya Madola na wawakilishi wa taasisi mbalimbali za kimataifa.

HII NDIO SIRI NZITO YA UTEUZI MZITO ALIOFANYA MAGUFULI NDANI YA CCM LOWASSA AFUNGUKA MAZITO JUU YA UTEUZI HUU.

NI kama ametia ubani. Ndivyo unavyoweza kusema. Waziri Mkuu wa zamani, Edward Lowassa amepongeza uamuzi wa Rais John Magufuli kumteua Dk. Emmanuel Nchimbi kuwa balozi akisema umemfurahisha, huku wasomi wakisema umelenga kumaliza makovu ya Uchaguzi Mkuu uliopita ndani ya CCM.
Dk. Nchimbi ni kada wa CCM ambaye alikuwa mwanamkakati katika kambi ya Lowassa wakati wa mbio zake kuwania urais ndani ya chama hicho kabla ya Uchaguzi Mkuu wa mwaka jana, ambapo jina la Magufuli lilipitishwa baada kuvuka hatua ya mchujo iliyokata jina la Lowassa.
Akizungumza na JAMBO LEO jana, Lowassa aliyechuana kuwania urais na Rais Magufuli baada ya kuhamia Chadema kutoka CCM, alisema ni jambo jema kushirikisha viongozi kuongoza nchi na kubainisha kuwa mbali na Dk. Nchimbi uteuzi wa mabalozi wengine pia umemfurahisha.
Wakati Lowassa (pichani) ambaye pia Mjumbe wa Kamati Kuu ya Chadema akipongeza uteuzi wa mabalozi hao wanaosubiri kupangiwa vituo vyao vya kazi, wasomi waliozungumza na gazeti hili walisema uteuzi wa Dk. Nchimbi unalenga kumaliza mvutano na mgogoro ulioibuka ndani ya CCM wakati wa mchakato wa chama hicho kupata mgombea wake wa urais katika Uchaguzi Mkuu wa Oktoba 25, mwaka jana.
Juzi Rais Magufuli aliteua mabalozi 15 wakiwemo mawaziri wa zamani, watoto wa viongozi na makada wa CCM kujaza nafasi zilizo wazi katika Balozi za Tanzania nchi mbalimbali na wengine sita watakaoliwakilisha Taifa kwenye balozi zake mpya sita.
Julai 10 mwaka jana baada ya Kamati Kuu ya CCM kutangaza majina matano ya waliowania kuteuliwa kugombea urais na chama hicho, Dk. Nchimbi na wajumbe wenzake wawili wa Kamati Kuu, Sophia Simba na Adam Kimbisa walitoka hadharani wakisema wanajitenga na uamuzi ya kamati hiyo kwa kuwa imekiuka Katiba ya CCM.
Nchimbi ambaye wakati huo alikuwa Mbunge wa Songea Mjini, aliitisha mkutano na waandishi wa habari na kueleza wanapinga uamuzi huo ambao hawakuutaja, wakidai kuwa si majina yote yaliyowasilishwa mbele ya kamatihiyo.
Akiwa pamoja na wenzake hao, Dk. Nchimbi alisema kikao hicho hakikufuata kanuni kwa kuwa majina machache yaliwasilishwa na hayakuhusisha mgombea anayekubalika.
Ingawa hawakumtaja mgombea huyo waliyesema anatajwa na wengi, makada hao walifahamika kuwa wanamuunga mkono Lowassa. Mchakato huo ulimaliza kwa Dk. John Magufuli kupitishwa kupeperusha bendera ya CCM katika uchaguzi huo na kumshinda Lowassa ambaye baada ya jina lake kukatwa alihamia Chadema na kupitishwa kuwania urais kwa tiketi ya chama hicho na Ukawa.
Baada ya Rais Magufuli kupitishwa kuwania urais, Dk Nchimbi alikaririwa na vyombo vya habari akisema kambi yao inamuunga mkono kwa kuwa ni mtendaji mzuri wa kazi anazopewa na mifano ipo mingi katika wizara alizoziongoza.
Katika uchaguzi huo, Dk Magufuli alipata kura milioni 8.8 sawa na asilimia 58.47, akifuatiwa na Lowassa aliyepata kura milioni 6.07, sawa na asilimia 39.97.
Lakini jana, Lowassa alipoulizwa kuhusu uteuzi huo kutokana na ukaribu wake Dk. Nchimbi alisema: “Ni vizuri kuwashirikisha viongozi katika kuongoza nchi. Ni jambo jema sana kuteuliwa kwa Nchimbi. Ni kitu kizuri.”
Hata hivyo, wakati Lowassa alisema hataki kuzungumzia kiundani uteuzi huo, Mhadhiri wa Chuo Kikuu Dar es Salaam (UDSM), Dk. Benson Bana alisema: “Nchimbi alikuwa analalia upande wa Lowassa hilo lipo wazi…,nadhani msimamo wake unabaki palepale licha ya kutojiuzulu na kuendelea kubaki kuwa mjumbe wa kamati kuu ya CCM.”
“Alieleza maoni yake wazi na hajawahi kujitokeza hadharani kukana yale aliyokuwa akiyaamini. (Nchimbi) alikubaliana na uamuzi wa chama (kumpitisha Dk. Magufuli), chama kimeona ni kada wake muhimu, imetokea fursa na hajabaniwa. Ni uamuzi wa Mwenyekiti wa CCM kutaka kusawazisha mambo, kutokaa na mtu na kinyongo.”
Alisema huenda ikatokea siku Rais Magufuli akakutana na wote ambao walionekana kutokuwa na msimamo wa kumuunga mkono wakati wa mchakato wa CCM kupata mgombea wake wa urais. “Sidhani kama Nchimbi akionekana hadharani atatembea kwa raha maana wapo wanaomuita msaliti aliyebaki CCM, lakini kwa uteuzi huu shutuma hizi zitapungua.
Alitajwa kugombea uspika wa Bunge ila taarifa zikafifia, hata wajumbe wa Kamati Kuu nao walikuwa wakimnyoshea kidole maana alionekana mtu asiyemuunga mkono sana Magufuli,” alisema.
Alisema uteuzi huo unalenga kumwondoa katika kundi la watu wanaomtuhumu: “Akiwa Dar es Salaam utasikia yuko Masaki kwa kujificha…, uswahiba ni uswahiba tu haufutiki kwa sababu za kisiasa.” “Sasa akionekana na mheshimiwa aliyekuwa akimuunga mkono watu wanaweza kuchombeza mengine. Uteuzi huu unapunguza hako ka mvutano ndani ya chama.”
Dk. Bana alienda mbali zaidi na kufafanua kwamba, uteuzi huo utawajengea uzoefu wateule hao na baadaye wanaweza kurejea nchini na kuwania ubunge na kushinda kama ilivyokuwa kwa Dk. Deodorus Kamara ambaye alikuwa Balozi nchini Ubeligiji kabla ya kurejea nchini na kushinda ubunge Jimbo la Nkenge.
Mhadhiri mwingine wa chuo hicho, Dk James Jesse alisema: “Kwenye siasa kuna ambao utakuwa nao pamoja na wengine hawatokuunga mkono. Katika kuwania urais lazima kuwe na kambi na chama kama CCM huwezi kushangazwa na kambi.”
Aliongeza: “Kambi zinaweza kuonekana adui wakati wa uchaguzi, ila ukimalizika kambi hizo hazipaswi kuendeleza uadui maana anayeteuliwa na chama kugombea anabeba bendera na akishinda uchaguzi ni rais wenu iwe mlimpinga au kumuunga mkono.” Alibainisha kuwa mtu yeyote anayeelewa huweka tofauti pembeni baada ya kumalizika kwa uchaguzi.
“Uteuzi huu ni ishara nzuri ya (Rais Magufuli) kuwambia wana CCM kwamba pamoja na kutofautiana naye katika mchakato wa chama hicho kusaka mgombea, washirikiane naye katika kufanya kazi. Ni nia njema na inaondoa tofauti za maoni na mtazamo,” alisema.
Dk. Jesse alisema jambo hilo linapaswa kuigwa hata na wafuasi wa CCM waliohamia vyama vya upinzani.

HILI NDIO TUKIO ZITO ALILOFANYA PM MAJALIWA NI BAADA YA MIAKA 20 KUPITA LEO HII WAZIRI MKUU AFANYA MAAJABU MAZITO.



Waziri Mkuu Kassim Majaliwa.
Waziri Mkuu Kassim Majaliwa amemaliza mgogoro wa ardhi uliodumu kwa miaka 17 kati ya vijiji viwili vya Ortukai na Esilalei na Taasisi ya Tanzania Land Conservation Trust (TLCT) baada ya kukabidhi hati ya shamba la Manyara Ranch kwa Mkurugenzi wa Halmashauri ya Wilaya ya Monduli, Stephen Ulaya.
Hati hiyo imetolewa jana jioni (Jumapili, Desemba 4, 2016) na Waziri Mkuu katika mkutano wa hadhara uliofanyika kwenye kata ya Mto wa Mbu kwenye viwanja vya Barafu baada ya kubadilishwa umiliki wa shamba hilo kwenda kwa wananchi wa vijiji hivyo vilivyopo kwenye Kata ya Elesilalei Wilayani Monduli Mkoani Arusha.
Hatua hiyo imekuja baada ya kilio cha muda mrefu cha wananchi hao kudai kuwa Rais wa Awamu ya tatu, Benjamin Mkapa aliagiza shamba hilo ligaiwe kwa wananchi hao lakini jambo hilo halikufanyika na badala yake watu wachache walijimilikisha shamba hilo kinyemela chini ya wenyekiti wa bodi ya TLCT.
Waziri Mkuu alisema Serikali imeamua kurudisha umiliki wa shamba hilo kwa wananchi wa vijiji hivyo viwili baada ya Baraza la Madiwani na Uongoziwa Wilaya hiyo ya Monduli kuridhia kwa pamoja umiliki huo kurudi kwa wananchi kama ilivyoamriwa hapo awali.
"Shamba hili lenye ukubwa wa ekari 44,930 sasa si mali tena ya Taasisi ya Tanzania Land Conservation Trust (TLCT) iliyokuwa inafadhiliwa na Shirika la African Wildlife Foundation (AWF) sasa ni mali ya wananchi na halmashauri ya wilaya ya Monduli ndio itapanga matumizi bora ya ardhi ya shamba hili mliloteseka nalo kwa muda mrefu ," alisema

KUTOKA IKULU RAIS MAGUFULI RAIS AISHAMBULIA VIKALI TASNIA HII NYETI NCHINI NA KUANIKA UOZO WA KASHFA HII CHAFU NCHINI

RAIS John Magufuli amesikitishwa na uzushi unaofanywa kwa lengo la kumchafua Rais mstaafu wa Awamu ya Nne, Jakaya Kikwete na familia yake, na amewataka waandishi wa habari na vyombo vya habari kuacha kuandika na kuchapisha taarifa za uzushi na badala yake vizingatie weledi na kufuata sheria.

Amesema taarifa zinazomhusisha kwamba amezuia mizigo ya mke wa Rais mstaafu Kikwete, Mama Salma Kikwete bandarini hadi hapo itakapolipiwa kodi, si kweli na ni uzushi, kwani hajawahi kuzuia wala kuagiza kuzuiwa kwa mizigo ya Mama Salma Kikwete.

Dk Magufuli aliyasema hayo katika taarifa iliyotolewa jana na Kurugenzi ya Mawasiliano ya Rais, Ikulu, baada ya siku za karibuni, baadhi ya vyombo vya habari na mitandao ya kijamii kuchapisha taarifa zinazomhusisha Mama Salma Kikwete na Taasisi anayoiongoza ya Wanawake na Maendeleo (WAMA) kwamba imeshindwa kulipia kodi mizigo mikubwa iliyoiingiza nchini na hivyo kuwa hatarini kupigwa mnada.

Aidha, taarifa hizo zimemhusisha Rais Magufuli kuwa anahusika kuzuia mizigo hiyo bandarini mpaka hapo itakapolipiwa kodi.

“Tunapenda kuutaarifu umma kuwa taarifa hizo si kweli na ni uzushi, kwani Rais Magufuli hajawahi kuzuia wala kuagiza kuzuiwa kwa mizigo ya Mama Salma Kikwete,” ilieleza taarifa ya Ikulu.

“Rais Magufuli amesikitishwa sana na uzushi huo unaofanywa kwa lengo la kumchafua Rais mstaafu wa Awamu ya Nne, Dk Jakaya Kikwete na familia yake na amewataka waandishi wa habari na vyombo vya habari nchini kuacha kuandika na kuchapisha taarifa za uzushi na badala yake vizingatie weledi na kufuata sheria,” ilibainisha taarifa ya Ikulu na kuongeza:

“Nimesikitishwa sana na uzushi unaofanywa dhidi ya Rais mstaafu Jakaya Kikwete na mke wake Mama Salma Kikwete, tafadhali wale mnaotengeneza uzushi huu, acheni mara moja na muacheni Rais mstaafu Kikwete apumzike.

“Rais mstaafu Kikwete amefanya kazi kubwa ya kulitumikia Taifa hili, amestaafu anapumzika, narudia muacheni apumzike, Serikali haitaendelea kuvumilia uzushi na uchonganishi huu unaofanywa kwa makusudi ili kuwachafua viongozi wastaafu,” ameonya Rais Magufuli.

Older Posts
© Copyright JAMIIYETUBONGO | Designed By BAKI NASI
Back To Top