Mchezaji wa Manchester Wayne Rooney ametwaa Tuzo ya Mchezaji Bora wa Mwaka kwa 2015 akitetea tena Tuzo ambayo pia aliizoa mwaka 2014.
Hii ni mara ya 4 kwa Rooney kuzoa Tuzo hii ambayo Wachaguaji wake ni Masapota wa Timu ya Taifa ya England.
Mapema Desemba England iliyaweka hadharani majina ya Wagombea wa Tuzo ya Mchezaji Bora wa Mwaka kwa Nchi yao .
Mwaka 2015 Rooney aliiongoza England kufuzu kuingia Fainali za Mataifa ya Ulaya, EURO 2016, ambazo zitachezwa huko France Mwezi Juni huku akihakikisha England inashinda Mechi zao zote 10 za Kundi lao na kuifungia Jumla ya Bao 5 kwa Mwaka 2015 kwa England huku pia akiivunja Rekodi ya Sir Bobby Charlton ya Ufungaji Bora katika Historia ya England kwa kufunga Bao 50 Rekodi ambayo iliwekwa na Charlton Mwaka 1968 alipofunga Bao lake la 49.
Wachezaji waliokuwa wanawania Tuzo hiyo ya Mchezaji Bora wa Mwaka,Joe Hart (Manchester City),Gary Cahill (Chelsea),Raheem Sterling (Manchester City),Wayne Rooney (Manchester United),Harry Kane (Tottenham Hotspur).
Kura kwa Wagombea hawa zilipigwa Mtandaoni na Masapota wa England na upigaji ulifungwa Jumapili Januari 3.
Rooney almejizolea Kura kwa Asilimia 37, Harry Kane 30% na Hart 19%.
Post a Comment